Presidenti i Barcelonës shpjegon arsyen e dështimit të transferimit të Brozoviq

08:50 | 30 Qershor 2023
K.B

Gazetari Fabrizio Romano ka bërë të ditur se është kompletuar transferimi i Marcelo Brozoviq te Al Nassr në Arabinë Saudite.

Gazetari më i besuar në botën e transferimeve ka njoftuar në Twitter se është arritur një marrëveshje verbale mes Al Nassr dhe reprezentuesit kroat dhe se është pritur vetëm nënshkrimi i kontratës.

Brozoviq duhet t’i nënshtrohet një ekzaminimi mjekësor dhe më pas të nënshkruajë kontratë për tre vjet. Al Nassr do t’i paguajë Interit një dëmshpërblim prej 23 milionë euro dhe Brozoviç do të marrë 100 milionë euro (rreth 33 në vit) në emër të pagës dhe nënshkrimit të kontratës.

Me këtë dështoi transferimi i tij te Barcelona, ​​që në një moment, sipas raportimeve, ishte një opsion më i mundshëm. Presidenti i Barcelonës, Joan Laporta ka komentuar mungesën e mesfushorit kroat në një intervistë për Onze TV.

“Brozoviq, Zubimendi dhe Kimmich janë shumë të shtrenjta. Ato transferime nuk mund të realizohen për shkak të financave”, tha ai./Lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm